仅留数人者，亲戚不敢过门探问。顾成亦染此病，一家八口，病在床中。未起症时，钱氏归宁母家一月之久。一日有妇人报到曰：“亚娇，你翁姑个处，时症大行，一家之人，俱受重病，做乜你唔去归睇吓呀？”钱氏闻言大惊，面变忧愁之色，叹曰：“相离甚远，我点得而知。”即卷起袱包，辞别父母。老母留住曰：“女呀，你唔好去个的。唔系别样病，系叫做有牙老虎。你偏回去，若撞板起来，连你都死干净咯。”钱氏曰：“唔怪得老母忧，但男子娶妻，无非为翁姑生死之计。（晓得大道理。）今者有病不归奉事，与禽兽何异。

女今要去，就系死亦甘份。父母不用挂怀。”（人话忠臣不怕死，我话孝妇不怕死。）父曰：“照你讲起番来大条道理。况且生系佢人，死系佢鬼。在父母亦难强留。”（父亲甚明白。）钱氏起行，老母送出村外，流泪嘱咐曰：“女呀，你要去即管去，至紧要知避忌，须买的苍术，塞住鼻哥方好。”钱氏曰：“谨遵老母所言。”遂分手而去。

钱氏望在路直走，想即时见了翁姑之面，方得心安。将归到村边大社坛，家中病者似见一鬼，自外走人来报信，形影徨急喊各鬼曰：“我等快的走出去，不宜在此也。”众鬼问其故，报信鬼曰：“今者孝妇归家，诸吉神皆拥护而来，我等再留，有些不便。”各鬼慌忙失色。有的想缩入床下底，有的想躲埋门角头。报信鬼曰：“唔做得，唔做得，张须被佢睇出，你唔走，我去咯。”

报信鬼即奔，各鬼跟随而出。

钱氏入门，病者俱能起坐。钱氏先到翁姑床前问曰：“公公呀，婆婆呀，病得咁凄凉。新妇都晤知到，有失奉事，罪实难容。有请医药先生来调理否？”家婆曰：“此等病症，有谁人肯来探问呢，惟有自己辛苦待死而已。我断唔估重得见你咯！”钱氏曰：“如今病体如何呀？”翁姑曰：“一连几日辛苦，都唔话得过你知。头又重，喉又干，口又苦，心腹又饱胀，脚骨又困倦。欲转侧不能，欲起身不得，实在一世唔病过咁凄凉。如今忽然间头见轻，喉见润，口见凉，心腹见自在，脚骨见宽舒。可以起得身，可以移得步，你话奇唔奇呢！”

（瘟疫鬼去了。）钱氏大喜曰：“公公，婆婆，我扶你出去，中庭坐吓。”家婆曰：“好呀！好呀！我睡倒床中，迷迷懵懵，好久不知天地，出去看吓日头在那处。”家公曰：““我都想出去。”钱氏遂扶两老人出坐。家公叹曰：“怡凳生尘，蛛丝挂满檐前咯。”家婆曰：“你瞧神楼上个的灯盏被老鼠拖跌在地呢。”钱氏又扶众等，姑叔出来，一齐共坐。有的尚带叹息声，有的似带欢喜色，有的挨住椅，有的扶住台，有的问答懒出声，有的挨斜伸开脚。钱氏曰：“公公，我去煲粥与你大众食。”家婆曰：“好久唔闻米气咯。今日食粥，明朝食饭，可以无妨。”各人曰：“前者唔肚饿，今见饿起来，唔知得咁古怪。”家公曰：“我亦系如此。既食粥之后，出的微汗，个个精神，行动自然，声音清爽，乡里皆称为奇事。翁姑遂将瘟疫鬼说话传之于人，男妇闻之，俱化为孝顺，此处百余年之久，瘟疫全无。钱氏所生之子，长大以征战有功，官居武职，至今子孙犹昌盛焉。

张阎王

乾隆间，浙江杭州有一秀才，张继兴，素无品行，欺压乡邻，丑事多为，人皆笑骂。

一日，去探一朋友。闻得某村有一妇人做鬼婆，能呼神召鬼，各妇女信而问者无数，咁多人。张继兴与友亦去看其举动。

正值鬼婆焚香作法，说出鬼声鬼气，鬼模鬼样，讲鬼话，养鬼迷，众人亦以为真鬼来也。各人拱立静听，惟恐不诚。张继兴一见，勃然大怒，走上前以掌打其嘴巴曰：“你妖言惑众，欺骗人家钱财。若系我做阎罗王，必要扭断你个头。”各人睇见，扫兴，扫兴，索然无味，俱散而去。（□补一来散常）迟得几日，此鬼婆颈上生一大疽，变成断头疮而死，人人惊异。遂称张继兴为张阎王。

又数年，张继兴得病，魂梦之中，见有两人如官差一样，素不相识，请继兴同行。走到一间宫殿，阔朗辉煌。左右两神卷帘而坐，中间一神垂下竹